Entrega do premio á gañadora do concurso de relatos de medo

 

Participantes no concurso de historias de medo

A convocatoria do concurso de relatos de medo resultou todo un éxito. O xurado xa escolleu a que será a historia gañadora. Nos próximos días comunicaremos o fallo. 

Moitas grazas a todas/os  pola participación e animámosvos a seguir escribindo e lendo moito.

Concurso de relatos polo Samaín

Desde a biblioteca do centro convocamos un concurso de relatos. O alumnado do terceiro ciclo puido participar nun concurso de historias de medo relacionadas coa lúa chea. Cal será a historia máis arrepiante? 

Horario do alumnado colaborador coa biblioteca

 Este ano tamén  contamos coa colaboración de alumnado de 5º e 6º para o empréstito nas horas do recreo. Moitas grazas pola vosa axuda!

 

Inauguramos o club de lectura do profesorado

A semana pasada inauguramos o Club de lectura entre o profesorado. Está formado por 15 mestras e mestres do CEIP de Arteixo e contamos coa colaboración da biblioteca Henrique Rabuñal de Arteixo.

Leremos un libro cada trimestre e realizaremos ao final do mesmo unha posta en común na tarde dos luns. Para comezar o trimestre escollemos unha novela de suspense e misterio en castelán: "El libro negro de las horas" de Eva Gª Sáez de Urturi.

As lecturas serán variadas en canto a temática e a xéneros literarios.

Ademais, procuraremos facer unha reunión anual cos membros do club de lectura do CEIP de Galán, a EEI de Barrionovo e EEI de Vilarrodís-Oseiro.

Desexamos que desfrutedes moito coa lectura e a conversa posterior!

 

Día das bibliotecas escolares

  Como xa mencionamos anteriormente, hoxe é o día das bibliotecas escolares. Así que, esta semana presentamos a nosa biblio ao alumnado máis pequeno de primaria e ao alumnado de infantil.

  Pelusiño, foi o encargado de contarnos como organizamos e clasificamos os fondos da biblioteca.

  Grazas por vir á visitarnos!

Pelusiño preséntanos a nosa biblioteca

  Un ano máis Pelusiño ensina, sobre todo aos máis pequenos,  como é a nosa biblio. Aprenderán como están clasificados os exemplares en función das diferentes etapas educativas (azul, vermella, verde e amarela) ou libros de consulta (etiqueta branca)... Tamén aprenderemos como están ordeados. Os de etiqueta azul (infantil) agrúpanse en diferentes cestas que teñen un número asignado en función da temática que abordan (animais, números e conceptos, conmemoracións, música, emocións, fantasía... No caso dos da etapa de primaria deberemos fixarnos  na cor, e na inicial do apelido do autor/a para saber en que letra colocalo.

  Aproveitamos que esta semana é o día das bibliotecas escolares para coñecer máis a nosa biblio polo miúdo.

Día das bibliotecas escolares

O xoves desta semana conmemoraremos o día das bibliotecas escolares.

 

Semana mundial do espazo

Como sabedes, este ano o noso proxecto versa sobre o universo.  Esta semana foi especial para nós xa que foi a "semana universal do espazo". Adicamos as novidades da biblioteca a este tema.

Se queredes máis información sobre este tema, premede non seguintes enlaces:

https://www.un.org/es/observances/world-space-week

https://www.worldspaceweek.org/about/introduction-spanish/

https://www.youtube.com/watch?v=ZpOkUOVlvfY&ab_channel=iigercc_unicach  

https://www.csic.es/es/agenda-del-csic/conoce-la-astronauta-sara-garcia-y-celebra-con-el-csic-la-semana-mundial-del-espacio

Info do universo

 Se o que desexas e ler diversas informacións sobre o universo, aquí atoparás un pouquiño de todo. Recorda que na pestana accederás facilmente á información.

• WEB DA NASA
• 10 CURIOSIDADES SOBRE O SISTEMA SOLAR
• O COMETA DO SÉCULO FARASE VISIBLE NUNS DÍAS
• DESCOBREN UN BURATO NEGRO
• PEDRA-CEBRA ATOPADA EN MARTE
• GALAXIAS MORTAS, NEBULOSAS E ANEIS
• DESCOBREN UN PLANETA IGUAL Á TERRA 
• MANUALIDADES INFANTILES SOBRE O UNIVERSO 
• PRESENTACIÓN DE GENIALLY SOBRE O UNIVERSO E O SISTEMA SOLAR

 

•  INFORMACIÓN E XOGOS PARA INFANTIL
  
  
  

Vídeos sobre universo

 Tedes curiosidade sobre o universo e todo o que abrangue? Pois nesta entrada e na súa pestana correspondente iremos engadindo máis e máis información con vídeos do voso interese.

 

 

Xogos do universo

Aquí tedes algúns xogos relacionados co espazo. Estade atentos/as que iremos incluíndo máis na pestana correspondente.

• WEB DA ESA (European Space Agency).
  
  
  
  
  
•  XOGOS DO SISTEMA SOLAR

• XOGO DE MEMORIA DOS PLANETAS