Recomendacións para ler este verán

 Un ano máis compartimos a nosas suxestións para ler este verán. A gozalas!

A lectura do noso Club no terceiro trimestre

Este terceiro trimestre a lectura foi moi especial xa que veu acompañada, ao seu remate, dunha visita á aula hospitalaria do CHUAC da Coruña.

 

O libro escollido foi " O corazón da maxia" de Xavier Estévez. Narra a historia de Laura, unha rapaza de 12 anos que está hospitalizada. A súa grave doenza provócalle falta de apetito e cansazo, ata o punto de verse obrigada a cortar o pelo porque nin forzas ten para peitearse. Cando mellora un chisquiño, tenta ser feliz visitando os outros nenos da planta e facendo incursións por outras dependencias do hospital co seu pano de pirata. 

A pesar da dureza da obra,  resulta necesario traballar co alumnado a empatía, o descubrimento da realidade doutros nenos e nenas que,  aínda sendo diferente á súa, comparten ilusións e soños  semellantes.

Na visita compartimos momentos de xogo e conversas moi especiais. Deixamos a nosa pegada cos nosos debuxos e recibimos un fermoso agasallo. Grazas por compartir con nós este tempo tan especial.

Queremos agradecer especificamente a labor de Camino, a mestra da Aula Hospitalaria do CHUAC, pola súa implicación nesta actividade. Parabéns polo teu impresionante traballo!

Desexamos aos nenos/as hospitalizados moita forza para mellorarse! 

 

 

 

 

O noso refraneiro popular nas ondas

 Animádevos a escoitar a compilación de refráns feita grazas á colaboración das familias.

Día das letras galegas 2026

O vindeiro domingo, 17 de maio, celébrase o Día das Letras Galegas. Este ano adícase a Begoña Caamaño Rascado que foi unha periodista, escritora, feminista e activista política.

Foi autora de diversas obras de narrativa en galego entre as que destacan dúas obras de ficción: Circe ou o pracer do azul (2009) e Morgana en Esmelle (2012). Con esta última obra recibiu varios premios literarios entre os que se atopan o da Crítica de narrativa galega, que entrega a Asociación Española de Críticos Literarios, o Antón Losada Diéguez de creación literaria en 2013, e o premio Ánxel Casal e o da Asociación de Escritores en Lingua Galega.

 

 

 

Este ano o EDLG organizou o festival das Letras Galegas (Xabarín Fest) arredor do "Xabarín Club" e no que se lle fará un pequeno homenaxe a esta autora. 

 

Deixámosvos máis información desta autora no documental da Real Academia Galega, dirixido por Damián Varela e Alba López .

 

 

 

 

Receitas do rural

 Dentro do noso Proxecto Anual de Centro pedimos ás familias a vosa colaboración na compilación de receitas do rural. Deixámosvos as instrucións e a información no cartel de abaixo. Grazas pola vosa participación!

 

Lecturas compartidas pola semana do libro

 Como xa comentamos nunha entrada anterior na semana do libro organizamos dúas actividades: a adopción de libros procedentes do expurgo e as lecturas compartidas, nas que uns cursos contan contos a outros.

Resultou unha proposta moi positiva para o alumnado. A continuación deixamos algunha das imaxes destes contacontos.

 1º de primaria conta a 4º de infantil

 

 

 

 

2º de primaria  conta contos a 5º de infantil

 

 

 

 

 

4ºC de primaria conta un conto a 1º de primaria

 

 

 

 

 

5ºC de primaria conta un conto a 2ºC de primaria

 

 

Día do Libro 2026

 Cada 23 de abril celébrase o Día do Libro. Esta data fixouna a UNESCO no 1995 xa que arredor dela faleceron importantes autores da literatura universal como Miguel de Cervantes, William Shakespeare ou Garcilaso de la Vega.

Este ano organizamos unhas "lecturas compartidas". O xoves 23 de abril, o alumando voluntario de 4º, 5º, 6º de Primaria fará unha lectura ou representación dun conto ao alumando de 1º, 2º e 3º na hora de ler.

O venres 24 de abril, o alumnado voluntario de 1º, 2º e 3º de Primaria fará o mesmo con alumnado de 4º, 5º e 6º de infantil.