Calendario científico 2025

Como o Proxecto Anual de Centro versa sobre o espazo, o alumnado voluntario da biblioteca elabora cada día o calendario científico. Así, informa ao resto do alumnado e ao profesorado das e dos científicos máis relevantes da nosa historia e das súas aportacións. Grazas polo voso traballo!

 

Novidades da semana!

Entre as novidades desta semana destacamos un libro sobre o horto, outro sobre animais nocturnos e outro sobre o reino dos fungos. Anímaste a consultalos?

 

 

 

Semana da Prensa 2025

A segunda semana deste mes de marzo conmemoramos a Semana da Prensa. Este ano como o noso Proxecto Anual de Centro versa sobre o espazo, decidimos centrar o traballo do texto xornalístico en algunha das mulleres científicas vinculadas a este eido.

Compartimos aquí algúns dos resultados: 

Educación infantil

 

 

 

Educación Primaria

 

 

 

 

 

 

 

 

 

 

  

 

 

8 de Marzo 2025

Este ano, coma sempre, invitamos ao alumnado e ao profesorado a consultar a bibliografía sobre o Día Internacional da Muller. 

 

 Unha das actividades propostas  ao alumnado polo Día Internacional da Muller foi buscar mulleres significativas en diferentes ámbitos para completar o "Abecedario da muller" ubicado na entrada da biblioteca. Hai unhas tarxetas dispoñibles para completar coa información da elexida.

Día de Rosalía

Aproveitando que o Proxecto Anual de Centro versa sobre o universo, e coincidindo co Día de Rosalía, a profe Nuria (membro da agrupación Ío) acláranos a falta de precisión de algunhas novas que xurdiron nos medios de comunicación sobre a alineación dos planetas.

Como sabedes existe unha estrela nomeada como Rosalíadecastro, é unha anana semellante ao noso Sol. Situada a 240 anos luz de nós na constelación de Ofiúco. 

O alumnado de primaria desfrutou moito das súas explicacións. Moitas grazas Nuria!