Recomendacións lectoras

 Este ano o alumnado directamente recomenda, mediante un podcast, as lecturas que máis lle gustan. Coñecíades todos os títulos? Boas ideas para ler durante as vacacións de Nadal. A desfrutar!

Club de lectura "Roedores de libros"

Como ben sabedes, este curso contamos cun club de lectura que está sendo todo un éxito. Primeiro anotáronse 8 alumnos/as e agora xa son 15. Non está nada mal para comezar!

Na última xuntanza, reflexionaron e debateron sobre o libro e fixeron a súa valoración pegando un emoticono no mural de rexistro. Despois, distribuíron as personaxes da historia entre os membros do club para preparar unha actividade que desvelaremos máis adiante.

  

 

 

25 N: Día Internacional para a Eliminación da Violencia contras as Mulleres

Este día conmemórase anualmente para denunciar a violencia que se exerce sobre as mulleres en todo o mundo e reclamar políticas efectivas que contribúan á súa erradicación.

Esta convocatoria foi iniciada polo movemento feminista latinoamericano en 1981.

O equipo de biblioteca do centro realizou unha selección de exemplares que poden ser de utilidade estos días para a súa abordaxe nas aulas.

 

Refraneiro do campo

 

Comezan as xuntanzas do 1º Club de Lectura do cole.

 Este ano inauguramos o primeiro Club de Lectura do centro. Participan 8 nenos e nenas de 6º, moi ilusionados e motivados por desfrutar da lectura.

O libro  escollid foi "Formigas. misión Samaín", do autor Pere Tobaruela. Formigas refírese a unha brigada especial que vai a calquera parte do mundo a resolver enigmas e misión complexas. Nesta concretamente o protagonista é un escaravello branco a Santa Compaña e máis... terás que lelo para saber máis.

O alumnado participante recibiu o exemplar para ler, un caderniño e un rotulador para anotacións e un punto de lectura.  A acollida dos membros foi moi boa. Agardamos que esta só sexa a semente que anime a moitos outros a participar en vindeiras edicións.

A xunta concedeunos oficialmente a participación no programa Clubs de Lectura. Esta concesión vai acompañada dunha dotación económica coa que contribuiremos ao mellor funcionamento deste Club. Parabéns ao Equipo de Biblioteca e especialmente á mestra que coordina todo este traballo.

Mochilas viaxeiras

Un ano máis, en Outubro,  puxemos en funcionamento as "mochilas viaxeiras". Dous libros (un en castelán e outro en galego) e un xogo para desfrutar en familia do xogo e da lectura. Despois cada familia anota nun caderno a súa experiencia co xogo, o libro que máis lles gustou, engade fotos do momento...

Grazas ao profesorado por participar e ás familias e pequenos/as por colaborarnesta actividade de animación á lectura..

 

Sementando historias

O noso Proxecto Anual de Centro xira arredor do Ano Internacional da Muller Agricultora. Así que Pelusiño propúxonos o venres que lle axudásemos na procura de información.

Cada aula do centro recibiu unha pista que nos levaba a un sobre agochado polos diferentes espazos do colexio. Unha vez atopado, comprobamos que dentro había unhas sementes e o título dun libro. Agora tocaba atopar o exemplar. Dentro deste había unha palabra ou unha peza dun quebracabezas (en función da etapa educativa). Entre todas as palabras formamos varias frases e coas pezas a imaxe de Pelusiño.

E, por suposto, plantamos as sementes. A aventura xa comezou...

 

Podedes ver nas imaxes que a proposta resultou todo un éxito. 

Grazas a todas e todos pola vosa participación!

 

 

 

 

 

 

 

 

"Entre todos e todas sementamos historias que unen o pasado co futuro, a terra coa palabra e a escola co mundo. Cando sementamos palabras nacen contos. Cando regamos lectura, medran soños, e cando compartimos historias florece a imaxinación.

As historias, as lendas e os contos tamén se sementan: cóntanse, léense coidanse... e medran coma as plantas".